Një fetë e tortës së dasmës të Princit Charles dhe Lady Diana Spencer është shitur në ankand për 1,850 £.
Feta e madhe e tortës është një prej 23 ëmbëlsirave zyrtare të dasmës dhe përmban një zbukurim të sheqerosur të stemës mbretërore me ngjyrë ari, të kuqe, blu dhe argjend.
Ajo iu dha Moyra Smith, një anëtare e familjes së Nënës Mbretëreshë në Clarence House, e cila e ruajti pjesën e sipërme të tortës me qese kuzhine.
Smith e ruajti tortën në një tavë të vjetër tortash, mbi kapakun e të cilës ngjiti një etiketë të punuar me dorë: “Trajto me kujdes – ëmbëlsira e dasmës së Princit Charles & Princeshës Diana”, të cilën e firmosi dhe e datoi.
Sakaq, torta u ble nga Gerry Layton ndërsa, shitësit e ankandeve thanë se ishin “të mahnitur” nga interesi.
Layton, tha se ai e kishte vënë në testamentin e tij copën e tortës së bashku me pasurinë, e cila do të shkojë për bamirësi pas vdekjes së tij.
“Unë do të duhet të mendoj për një mënyrë për të ndaluar veten nga përpjekja për ta ngrënë atë,” tha ai.
Ankandistët thanë se ofertuesit nga Mbretëria e Bashkuar, SHBA dhe disa vende në Lindjen e Mesme kishin treguar interes. “Duket se ka marrë shumë më tepër vëmendje sesa kur e shitëm me një letër falënderimi të Charles dhe Diana 13 vjet më parë,” tha specialisti i kujtimeve mbretërore Chris Albury.
“Oferta filloi në 300 £ dhe më pas u rritën deri në çmimin fitues prej 1,850 £”.
Familja e Smith-it e shiti tortën në vitin 2008 te një koleksionist.
Në përvjetorin e 40-të të martesës së tyre ajo ka dalë sërish në ankand./Opinion.al
