Katër persona kanë humbur jetën nga COVID-19 në 24 orët e fundit në Maqedoninë e Veriut. Ministria e shëndetësisë në shtetin fqinj bën të ditur se gjatë këtij harku kohor janë shënuar dhe 518 raste të reja me COVID-19 nga 5.809 teste të kryera.
Që nga fillimi i pandemisë në Maqedoninë e Veriut janë regjistruar gjithsej 159 mijë persona me COVID-19 prej tyre 5.513 e kanë humbur jetën. Ndërkohë, në këtë shtete aktualisht janë 2.581 raste aktive.
Për shkak të rritjes së rasteve Maqedonia e Veriut nga 16 gushti do të forcojë masat kundër pandemisë COVID-19.
Sipas ministrit të Shëndetësisë në Maqedoninë e Veriut, Venko Filipçe, deri tani është vaksinuar mbi 30 për qind e popullatës madhore në vend me të paktën nga një dozë apo rreth 600 mijë persona. Rreth 400 mijë prej tyre kanë marrë nga dy doza.
Filipçe ka thënë se institucionet po shqyrtojnë mundësinë e aplikimit edhe të dozës së tretë, por se vendimi final për këtë do të merret pas analizave të detajuara dhe rekomandimeve të institucioneve ndërkombëtare mbi efektin e vaksinave.
Ai gjithashtu ka thënë se nga shtatori mund të aplikohen masa kufizuese për çdo person të pa vaksinuar, me qëllim të parandalimit të përhapjes së virusit por edhe të nxitjes së popullatës për tu vaksinuar./ Opinion.al
