Duket se më në fund ka paqe mes tifozëve të Lazios dhe futbollistit të Kombëtares Shqiptare Elseid Hysaj.
Mediat italiane këtë të mërkurë shkruajnë se disa tifozë të Lazio-s kanë shkruar një banderolë mbështetëse për futbollistin shqiptar.
“Daje Hysaj’, ose ‘Forca Hysaj’ është shkruar në banderolën e tyre në shenjë mbështetjeje për futbollistin, pas prezantimit të tij me këngën “Bella Ciao” .
Në këtë formë tifozët e Lazio-s tregojnë se qëllimi i futbollistit nuk kishte lidhje me ideologjitë politike.
Disa nga tifozët e Lacios mbështetës të ekstremit të djathtë, nuk kanë pëlqyer këtë veprim të lojtarit të kombëtares shqiptare, duke e kritikuar e madje kanë arritur deri në kërcënime./Opinion.al
