Katër anëtarët e familjes Gjoka, nëna dhe tre fëmijët, që mbetën të plagosur nga shpërthimi i bombolës së gazit në Velipojë janë nisur për në Itali për të vijuar kurimin.
Gjendja e anëtarëve të kësaj familjeje që mbetën të lënduar nga shpërthimi i bombolës të gazit në hotelin e tyre në Velipojë, vijon të jetë kritike, për shkak të djegieve të shumta trupore dhe shkallës së rëndë të djegies që kanë pësuar.
Nëna dhe tre fëmijët fillimisht u shtruan në reanimacion në repartin e Djegie-Plastikës në QSUT. Sakaq, ata janë dërguar në Itali, për shkak të gjendjes së rënduar.
Hetimet e deritanishme kanë zbuluar se ngjarja dodhi pas shpërthimit të një bombole gazi që përdoret për kamping./Opinion.al
