Kryetari i Partisë Demokratike Lulzim Basha ka reaguar ditën e sotme lidhur me ngjarjen e ndodhur në Lezhë mes efektivëvë të policisë dhe kreut të Bashkisë Lezhë Pjerin Ndreu.
Nëpërmjet një postimi në rrjetet sociale Basha shprehet se punonjësit e policisë janë tradhtuar nga regjimi Rama-Doshi.
Sipas Bashës peshku qelbet nga koka dhe fajtori është gjithmonë pa përgjigje.
“Punonjësit e ndershëm të policisë janë të tradhtuar nga regjimi Rama-Doshi. Kur vjen në pushtet me krimin, policia përdoret si vegël për të mbrojtur lidhjet e pushtetit me krimin. Pasojat e këtij modeli që sundon vendin i vuajnë qytetarët, fëmijët dhe familjet shqiptare. Zgjidhja është prerja e lidhjeve të pushtetit me krimin. Prandaj fajtori ishte sot pa përgjigje. Peshku qelbet nga koka!”– shkruan Basha./Opinion.al
