Një 42-vjeçar është vënë në pranga në Malësinë e Madhe. Policia bën me dije se shtetasi F. D., në momentin që shërbimet e Policisë kanë shkuar për kontroll i ka kundërshtuar ata për të mos i lejuar të ushtronin kontroll në pronën e tij. Ndërkohë në afërsi të banesës së tij, efektivët e policisë gjetën të kultivuara bimë narkotike cannabis sativa, të cilat u sekuestruan në cilësinë e provës materiale.
“Nga strukturat e Komisariatit të Policisë Malësi e Madhe, gjatë kontrolleve për evidentimin dhe goditjen e rasteve të kultivimit të bimëve narkotike, u arrestua në flagrancë shtetasi F. D., 42 vjeç banues në Gradec, Malësi e Madhe”, njofton policia.
Materialet iu referuan Prokurorisë së Rrethit Gjyqësor Shkodër, për veprat penale “Kultivimi i bimëve narkotike”, “Kundërshtimi i punonjësit të policisë së rendit publik” dhe “Veprime që pengojnë zbulimin e së vërtetës”./Opinion.al
