Greqia ka lehtësuar edhe më shumë masat kundër koronavirusit. Duke filluar nga nesër në Greqi hiqet detyrimi për të mbajtur maskën në ambientet e jashtme, ndërsa urdhri mbetet në fuqi për ambientet brenda.
Ndërkohë bëhet me dije gjithashtu se Greqia nga e hëna do të heqë shtetrrethimin duke mos lënë në fuqi asnjë kufizim të lëvizjes natën.
Autoritetet shëndetësore kanë vendosur edhe përjashtimin e punëtorëve të vaksinuar nga detyrimi për të kryer vetë-teste në vendet e punës. Nga 5 persona, brenda lokaleve tashmë në tavolina do të lejohen 10.
Aktivitetet në natyrë do të lejohen jo më shumë se 300 persona. Rregulla të veçanta janë vendosur edhe për plazhet dhe kufizimet për të shmangur mbipopullimin. Nëpunësit civilë të vaksinuar mund të kthehen në punë personalisht.
Ndërkohë që Greqia vijon me planin e vaksinimit dhe luften deri në zhdukjen e plotë të virusit./Opinion.al
