Një pastruese shqiptare 51-vjeçare në Petralona ë Greqisë jetoi nëntë orë makth në duart e një 35-vjeçari të shtunën, kur autori shtetas bullgar (një person i shpallur në kërkim) e futi atë me dhunë në banesën e tij dhe e përdhunoi në mënyrë të vazhdueshme, sipas mediave lokale.
Policia nxori një urdhër ndalimi për përdhunim të paligjshëm, por pavarësisht kërkimeve, 35-vjeçari nuk është gjetur.
Gruaja kishte shkuar në pallatin e ndodhur në Rrugën 11 Symmachidon për të pastruar dhe u sulmua nga autori i krimit në orën 8:00 të mëngjesit. Ajo ndodhej në katin përdhes të godinës kur Bullgari doli nga apartamenti ku jetonte dhe e tërhoqi brenda tij duke e përdhunuar deri në orën 17:00 të pasdites. Në atë moment gruaja ka mundur të dalë në ballkon dhe të kërkojë ndihmë.
Banorët thirrën autoritetet e policisë të cilët fillimisht rrethuan zonën dhe më pas, kur u lëshua një urdhër prokurori dhe në prani të një zyrtari gjykate, ata bastisën banesën, por bullgar kishte arritur të largohej. Një ambulancë e mbërritur në vendngjarje, e dërgoi gruan në Spitalin e Përgjithshëm Shtetëror, ku ju dha edhe ndihma e parë./Opinion.al
