Dy persona janë plagosur në qytetin e Sarandës në orët e para të mëngjesit të së dielës. Policia njoftoi se ngjarja ndodhi në rrugën Turizëm-Kanali Cukës, ndërsa mësohet se objektiv i sulmit me armë ka qenë biznesmeni Spiro Iljadhi. Sipas informacioneve, autorët kanë qëlluar me breshëri rreth 20 plumba automatiku në drejtim të Iljadhit, i cili ka marrë plagë në bark. Nga plumbat është dëmtuar dhe një automjet tip “Rang Rover”
Ndërkaq, si pasojë e të shtënave ka mbetur i plagosur edhe një turist shqiptaro-amerikan që ishte kalimtar i rastit.
Spiro Iljadhi raportohet se është transportuar me helikopter për në Spitalin e Traumës në Tiranë. “Sot, rreth orës 03:50, në lagjen Nr.1, në afërsi të një lokali, në rrethana ende të paqarta, janë plagosur me armë zjarri shtetasit S. I., 35 vjeç, banues në Sarandë dhe M. J., 33 vjeç, banues në Tiranë, të cilët ndodhen në spital jashtë rrezikut për jetën.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit/ve”, njoftoi policia./Opinion.al
