Pas zbardhjes së ngjarjes së rëndë që tronditi Greqinë, një dëshmi tjetër e pilotit grek Babis Anagnostoupulos, autor i vrasjes së gruas së tij, Caroline Crouch është publikuar në mediat greke.
Piloti tashmë pas krimit akuzon 20-vjeçaren e ishte agresive ndaj tij dhe foshnjës së saj. Ai e përshkruan atë si një nënë të rrezikshme për vajzën e tij duke pretenduar madje se 20-vjeçarja e ka goditur të voglën.
“Ajo e kapi foshnjën dhe e hodhi në krevat. Nëse unë do të isha zhdukur, çfarë do t’i bënte asaj? A do ta vriste atë?’’- tha 32-vjeçari.
Po ashtu Anagnostopoulos tregon edhe sherrin që bëri me gruan në natën fatale mes 10 dhe 11 majit.
“Ajo filloi të më bërtiste sepse i solla asaj të voglën dhe nuk e lashë të flinte. Ndërkohë e vogla ishte zgjuar. Pastaj Caroline në nervat e saj, kapi foshnjën me të dy duart dhe e hodhi fort në djep, duke thënë diçka: “Të thashë që nuk e dua këtu”. Lidia qau natyrshëm . Ai më pas tregon: “Unë vrapova për të parë nëse fëmija ishte mirë. Unë pashë që për fat të mirë nuk ishte goditur, por ishte shumë e frikësuar dhe po qante. Unë e përqafova dhe i thashë Caroline: “A je mirë? Po e godet të voglën? ” Dhe ajo m’u përgjigj diçka në stil: “Unë do bëj gjithçka që më pëlqen, do të bëj çfarë të dua” “.- rrëfen 32-vjeçari.
Më pas ai tregon se vajza e tyre po flinte, ndërsa shkoi tek dhoma e gjumit për ti thënë gruas se nuk kishte vepruar mirë. Babis thotë se e pa Carolinen në gjumë, dhe u shtri me të dhe e përqafoi.
“I thashë, a ta marr të vajzën dhe të ngjitem lart?” dhe ajo m’u përgjigj: “jo, mos e sill, nuk të dua. Ajo filloi të tundte trupin e saj për të lënë krahët e mia. Unë i thashë asaj që vajza duhet të ngjitet lart dhe të flejë. Caroline vazhdoi të dridhej, unë e shtrëngova gjithnjë e më fort sepse doja ta bëja të më dëgjonte. Po dridhej. Fytyra e saj ishte mbi jastëk. Vazhdova ta mbaja fort në krahë derisa kuptova që Caroline kishte ndaluar së tunduri. E humba. U përpoqa ta zgjoja. Më kot. Çfarë do të ndodhte me fëmijën tim?Mendova ta zhdukja kufomën e saj. Për ta bërë të besueshme ngjarjen unë duhej të vrisja qenin. Askush nuk do të mendonte se unë mund ta lëndoja qenin. Unë dua që të gjithë të kuptojnë se atë që bëra më pas e bëra që Lidia dhe babai i saj të mosndaheshin”, përfundoi Anagnostopoulos./Opinion.al
