Policia e Elbasanit ka dhënë njoftim zyrtar për aksidentin e ndodhur pasditen e sotme në aksin rrugor Elbasan-Metalurgjik.
Bëhet me dije se në aksident janë përfshirë tre mjete. Mjeti tip “Benz”, me drejtues E.K., 62 vjeç, banues në Tiranë, është përplasur fillimisht me mjetin tip “Toyota ” me drejtues Sh.B., 36 vjeç, banues në Elbasan dhe më pas me mjetin tip “Audi” me drejtues J.Sh., 43 vjeç, banues në Elbasan.
Si pasojë e përplasjes ka mbetur i lënduar drejtuesi i mjetit “Benz” dhe një fëmijë i cili ishte pasagjer në mjetin tip “Audi”, të cilët janë transportuar për ndihmë të specializuar mjekësore në spital./Opinion.al
