Policia rrugore e Lezhës, ka arrestuar vetëm javën që lamë pas 7 drejtues automjetesh gjatë kontrolleve të ushtruara në rrugë me dronë, radar dhe drage.
Kontrollet janë kryer me qëllim parandalimin e aksidenteve rrugore.
Nga ana tjetër policia njofton se janë proceduar penalisht në gjendje të lirë 14 të tjerë, për drejtim mjeti në gjendje të dehur/nën efektin e alkoolit ose pa leje drejtimi.
Gjithshtu sipas njoftimit zyrtar të policisë si rezultat i këtyre kontrolleve janë tërhequr 91 leje drejtimi, janë vendosur 413 masa administrative për parakalime të gabuara apo manovra të rrezikshme dhe 368 masa administrative për tejkalim shpejtësie.
Mësohet se kontrollet me dronë janë përqendruar në akset rrugore Lezhë-Milot-Thumanë, Lezhë-Shkodër, Lezhë-Shëngjin dhe Lezhë-Rrëshen, për evidentimin dhe ndëshkimin e atyre drejtuesve të mjeteve që kryejnë parakalime të gabuara dhe sjellje agresive në rrugë, të cilat janë rrezik potencial për përfshirjen në ngjarje rrugore me pasojë jetën./Opinion.al
