Kryeministri Edi Rama ditën e sotme në konferencën e mbajtur me ministrin gjerman për Europën, Michael Roth, i pyetur nga gazetarët se ç’do të bëjë Shqipëria nëse nuk përcaktohet serish data e Konferencës së Parë Ndërqeveritare për negociatat Shqipëri-BE tha se reformat nuk bëhen se kërkohen nga BE-ja por në zhvillim të vendit.
“Na u tha që dera do të hapej dhe nuk na u hap. Por nëse dera nuk do të na hapet nuk do të jem i shqetësuar siç isha radhën e parë apo të dytë. Ky është një proces që lidhet me ne, me fëmijët tanë, me vendin tonë. Ne nuk i bëjmë reformat përpjekjet se na i kërkojnë në Berlin apo në Bruksel, por sepse na duhen dhe për shqiptarët. Ne do të arrijmë që tu japim fëmijëve tanë Shqipërinë evropian si shtet që funksionon njësoj si një vend anëtar i Bashkimit Evropian. Ne e kemi bërë punën tonë dhe do të vazhdojmë ta bëjmë. Ia thashë edhe ministrit se ne jemi de fakto në disa aspekte të procesit të integrimi më përpara se ato që po negociojnë. Për mua sfida është se si të rrisim më shumë kërkesat ndaj vetes së çfarë të bëjmë më shumë për veten”, tha Rama./Opinion.al
