“Dje pata një diskutim të gjatë, gati një përplasje me kolegët e mi në Milano të cilët u ankuan sepse në Palermo nuk mund të ndiqje çështje, nuk mund të zbuloje gjëra. Ju thashë: ka një ndryshim shumë të vogël. Në Milano ju bëni ndjekjen. Këtu të vrasin për këto gjëra”.
Është Giovanni Falcone që flet nga Palermo në shtator 1989. Fjalët e tij u nxorën nga një audio e patransmetuar e gjyqtarit, e marrë nga Askanews, që ka publikuar në fakt dy pjesë audio.
Në një mbledhje të zhvilluar, gjykatësi palermitan fliste përnjë grup personash që e dinin mirë se çfarë ishte mafia. Ishte fjala për punonjës të policisë gjyqësore që përballesin me vrasjet e Cosa nostras dhe që çdo ditë rrezikonin në vijën e parë. Këtë radhë në fokus të mbledhjes ishte kodi i ri i procedurës penale.
Duket se ka qenë kjo mënyra më e mirë për ta kujtuar atë 29 vjet pas sulmit në qytetin italian të Capacit, më 23 maj të vitit 1992, kur gjatë kthimit nga Roma, mafia shpërtheu makinën e blinduar dhe mjetet që e shoqëronin, duke vrarë Falconen, gruan e tij Francesca Morvillo dhe agjentët Vito Schifani, Rocco Dicillo dhe Antonio Montinaro. Më 21 qershor 1989, Falcone i kishte shpëtuar një sulmi, në vilën bregdetare ku ndodhej me pushime, në Addaura./Opinion.al
https://www.youtube.com/watch?v=_X6jBkTJmWA&t=2s&ab_channel=FormicheVideo
