Mijëra qytetarë në qytetin jugor kinez të Shenzhen u larguan nga një gradaçelë (291 metra) të martën, pasi filloi të lëkundej në mënyrë të pashpjegueshme.
Videot që qarkullojnë në mediat sociale kineze treguan turma që vraponin nga ndërtesa, ku disa persona bërtisnin, vraponin dhe shikonin prapa.
Moti ishte i mirë në atë kohë dhe nuk kishte raportime për një tërmet në rajon. Sipas CCN fatmirësisht nuk pati të vdekur apo persona të lënduar.
People in Shenzhen reported to have fled the 73-story SEG Plaza after the building tilted on its foundations. No earthquake recorded in the area https://t.co/OV0g4Luz5O
— Austin Ramzy (@austinramzy) May 18, 2021
Gradaçela SEG Plaza, nisi të lëkundej rreth orës12:30 me orën lokale, të martën. Rreth 15 mijë persona ndodheshin brenda saj. Ata u evakuuan të gjithë brenda 90 minutave.
Agjencia e Menaxhimit të Emergjencave Shenzhen tha “do të përcaktojë shkakun e dridhjeve” në dërtesë, duke vënë në dukje se “nuk kishte asnjë tërmet në zonë”.
Kulla është e vendosur në një rreth në qendër të Shenzhen, zonë që njihet për numrin e lartë të këmbësorve dhe që është plot me dyqane dhe qendra tregtare.
Pas një inspektimi, zyrtarët e rrethit Foutian raportuan se nuk gjetën “asnjë çarje” në tokë, rreth perimetrit të ndërtesës.
“Asnjë pjesë e murit nuk ka rënë ose është dëmtuar”, thanë ata në raportin e tyre zyrtar.
E përfunduar në vitin 2000, SEG Plaza është ndërtesa e 18-të më e lartë në Shenzhen dhe e 104-ta më e lartë në Kinë./Opinion.al
