Raketa kineze e cila tashmë është jashtë kontrollit do të rikthehet në atmosferën e Tokës këtë fundjavë, duke bërë që mbetjet e saj të përplasen në Tokë.
Bëhet me dije se raketa e Long March 5B, e cila është rreth 100 metra e gjatë dhe peshon 22 tonë, pritet të hyjë në atmosferën e Tokës “rreth 8 majit”, thënë kjo nga zëdhënësi i Departamentit të Mbrojtjes Mike Hoëard, i cili theksoi se Komanda Hapësinore e SHBA është duke ndjekur trajektoren e raketës.
Edhe pse pika e saktë e hyrjes së raketës në atmosferën e Tokës nuk mund të përcaktohet, sipas ekspertëve ofrohen përditësime mbi vendndodhjen e saj përmes faqes në internet të Gjurmimit të Hapësirës.
Sipas Jonathan McDoëell lajmi i mirë është se mbetjet që depërtojnë në drejtim të Tokës, në përgjithësi paraqesin shumë pak kërcënim për sigurinë dhe jetën e qytetarëve.
“Rreziku që do të ketë ndonjë dëm ose që mund të godasë dikë është shumë i vogël – jo i papërfillshëm sepse edhe mund të ndodhë, por rreziku që do të godasë dikë e do të shkaktojë dëme është tepër i vogël.Kështu që unë nuk e do e merrja si kërcënim”, i tha CNN këtë javë Jonathan McDoëell, një astrofizikant në Qendrën e Astrofizikës në Universitetin e Harvardit.
Agjencia Evropiane e Hapësirës ka parashikuar gjithashtu edhe një “zonë rreziku” që përfshin çdo pjesë të sipërfaqes së Tokës. Ajo përfshin pothuajse të gjithë Amerikën e Jugut e deri në Neë York, të gjithë Afrikën dhe Australinë, pjesë të Azisë në jug të Japonisë si dhe në Europë, si Portugali, Spanjë, Itali dhe Greqi./Opinion.al
