Kryeministri i vendit Edi Rama, ka reaguar ditën e sotme pas lajmeve të publikuara në mediat e huaja se ai ka mbështetur një hartë të re kufiri midis Serbisë dhe Kosovës.
Për këtë, kryeministri Rama nëpërmjet një reagimi në rrjetet sociale i është drejtuar mediave ‘DerStandardat’ dhe ‘WebStandardat’, të cilat sipas tij kanë publikuar lajmin.
Kryeministri i cilëson lajmet për ndryshimin e kufinjëve si të rreme dhe thekson se kurrë nuk ka thënë ndonjë gjë në lidhje me përcaktimin e kufijve mes Serbisë dhe Kosovës, apo të mbështesë diçka të të tillë.
“Çfarë zhgënjimi për të parë një gazetë me kaq reputacion të lartë të sillet si një përhapës i lajmeve të rreme! Unë kurrë nuk kam thënë ndonjë gjë në lidhje me “non paper” dhe kurrë nuk kam mbështetur ndonjë vizatim kufiri përgjatë vijave etnike midis Serbisë & Kosovës! Turp”, shkruan Rama.
Media austriake ka deklaruar se Rama të ketë parë ‘non-paper-in’ dhe hartën me ndryshimet e propozuara të kufijve Kosovë- Serbi.
‘Der Standard’ shkruan më tej se vet Rama, së bashku me Vuçiç, miratuan vizatimin e kufijve përgjatë vijave etnike midis Kosovës dhe Serbisë tre vjet më parë./Opinion.al
