Një aksident i rëndë është regjistruar në segmentin rrugor Poliçan-Kapinovë, në vendin e quajtur Ura e Plirzës. Mjeti tip eskavator, ka dal nga rruga dhe si pasojë ka mbetur i plagosur drejtuesi i mjetit.
Policia njofti se Qamil Demiri, 60 vjeç, banues në Poliçan, po transportohej në spitalin Rajonal Berat, në gjendje të rëndë.
“Rreth orën 14:20 në segmentin rrugor Poliçan-Kapinovë, në vendin e quajtur Ura e Plirzës, mjeti tip Eskavator, ka dal nga rruga.
Për pasojë është dëmtuar drejtuesi i mjeti shtetasi Q.D., 60 vjeç, banues në Poliçan, i cili po transportohet në spitalin Rajonal Berat, në gjendje të rëndë”, njoftoi policia.
Por 60-vjecari ndërroi jetë rrugës për në spital. Grupi hetimor po kryen veprimet për zbardhjen e ngjarjes./Opinion.al
