Procesi i numërimit të votave për zgjedhjet e 25 prillit po shkon drejt fundit. Deri tani janë numëruar 4846 nga 5199 kuti, ku rezulton se PS merr 74 mandate, PD 59, LSI 4 dhe PSD 3.
Komisioni Qendror i Zgjedhjeve ka publikuar projeksionin paraprak të shpërndarjes së mandateve ku rezulton se në qarkun Durrës, PS ka marrë mandatin e tetë, ku është i pozicionuar kryetari i Partisë Socialiste, Edi Rama, ndërsa PD në këtë qark ka marrë 6 mandate.
Ndërkohë në këtë qark kanë mbetur edhe 87 kuti për tu numëruar. Gara në këtë qark është e fortë, pasi LSI aspiron një mandat. Gjithsesi ky është rezultati i momentit dhe nga numërimi i çdo kutije rezultati në këtë qark mund të ndryshojë./Opinion.al
