Ka përfunduar procesi i numërimit të votave në Qarkun e Korçës. Kryeson Partia Socialiste me 6 mandate, PD ka marrë 5 mandate, ndërkohë LSI nuk ka marrë asnjë mandat.
Në një deklaratë për mediat drejtuesi i Partisë Socialiste për këtë qark, Niko Peleshi ka shpallur fitoren e Partisë Socialiste në këtë qark.
Peleshi tha se ndarja e mandateve në këtë mënyrë tregon se qytetarët zgjodhën modelin e duhur duke refuzuar modelin 6-4-1, ç’ka nënkupton LSI-në. Ndërsa më tej ai shtoi, se i shtrijmë dorën opozitës për bashkëpunim.
“Sapo përfundoi kutia e fundit në Bashkinë e Maliqit, PS ka fituar bindshëm në Korçë. Dua të falenderoj qytetarinë që karakterizoi këtë votë. PS ka fituar me rreth 10 mijë vota diferencë nga PD. Të gjithë socialistët që votuan në 2017 kanë votuar edhe tani. Fitorja 6 me 5 është shumë më bukur se fitorja jonë 6-4-1. Korça zgjodhi modelin e duhur të qeverisjes. Në këtë mandat të rëndësishëm kemi marrë angazhime të mëdha, nuk janë të lehta, kërkon shumë punë. Duke votuar 6 me 5 dhe jo 6-4-1 votuan modelin e duhur dhe së bashku me ne hipën në trenin që do të ecë përpara. I shtroj dorën e bashkëpunimit të gjithë kundërshtarëve tanë, PD, pavarësisht se në opozitë roli i tyre është pazëvendësueshëm. Nuk ka nevojë vetëm për mazhorancë, ka nevojë dhe për opozitë. Opozita të mos ndihet e humbur sepse ne kemi një derë të hapur”, deklaroi Niko Peleshi./Opinion.al
