Autori i plagosjes së një polici në një qendër votimi në Pukë, ka rënë në prangat e policisë.
“Shërbimet e Komisariatit të Policisë Pukë, menjëherë pas ngjarjes së ndodhur në fshatin Bardhet të Njësisë Administrative Qafë Mali të rrethit Pukë, ku u plagos me thikë një punonjës policie që ishte në krye të detyrës, organizuan punën dhe falë kontrolleve dhe reagimit të menjëhershëm bënë të mundur që në kohë rekord të lokalizohej, kapej dhe arrestohej autori i plagosjes, shtetasi Mikel Lleshaj, 32 vjeç”, njoftoi policia.
Rreth orës 19:00, gjatë mbylljes së procesit të votimit, në momentin e mbërritjes në QV për të shoqëruar kutitë e votimit dhe materialet zgjedhore, Lleshaj ka plagosur me thikë punonjësin e Policisë G. O. Efektivi ndodhet në spital jashtë rrezikut për jetën./Opinion.al
