Kryetari politik i qarkut të Tiranës në PS Erion Veliaj në një dalje për mediat tha se projeksionet e PS për zgjedhjet e së dielës në vend, janë më shumë se 72 mandate.
Dalja e Veliajt është pritur me entusiazëm nga mbështetësit përpara selisë.
“Faleminderit shumë, ka qenë një ditë e gjatë, e bukur, frytdhënëse. Lajmi i parë i mirë që morëm është që të gjitha exit pollet na kanë nxjerrë fitues në republikë me 71-72 mandate. Lajmi i dytë më i mirë është që projeksionet tona si në Tiranë dhe në Shqipëri janë më shumë se 72 mandate. Por, si projeksionet ashtu dhe exit pollet duhet të presin procesin e numërimit. Të tregojmë durim që fitorja në kutitë e votimit të numërohet”, tha Veliaj./Opinion.al
