Danimarka ka bllokuar përfundimisht përdorimin e vaksinës Astra Zeneca.
Tv2, në faqe, shpjegon se e ka marrë këtë informacion nga burime anonime, por ka vendosur ta publikojë duke e konsideruar të rëndësishme për publikun, transmeton Ansa.it.
Mendohet se arsyeja kryesore për pezullimin e kësaj vaksine lidhet me rastet e trombozës që paraqiten në veçanti te moshat më të reja.
Vendimi i qeverisë në Kopenhagen do të bllokojë për disa javë fushatën e vaksinimit në atë vend. Ndërkohë që sipas ekspertëve procesi i vaksinimit mund të mos përfundojë para fundit të vitit.
Agjencia Europiane e Barnave, EMA, kishte pranuar javën e kaluar efektet e mundshme negative të vaksinës së krijuar në bashkëpunim me universitetin e Oksfordit, por kishte vlerësuar që benefitet ishin më të mëdha sesa efektet negative.
Danimarka shndërrohet në vendin e parë që bllokon totalisht vaksinimin me Astra Zeneca./Opinion.al
