Gjatë rrugës për në qytetin e Elbasanit, kreu i Partisë Demokratike, Lulzim Basha, është pritur nga simpatizantë të PD-së me makina dhe flamuj në hyrje të tunelit të Kërrabës.
Në fjalën e mbajtur para mbështetësve të tij, Basha tha se e ka ndjerë vlerësimin për këtë vepër të jashtëzakonshme (tunelin) që sipas tij shndërroi shumë dimensione të jetës së përditshme të qytetarëve të Elbasanit dhe të gjithë Shqipërisë.
Më tej ai tha se sikurse mbajti premtimin për ndërtimin e tunelit do të mbajë fjalën edhe për programin që po shpalos përpara qytetarëve për zgjedhjet e 25 prillit.
“E di dhe e kam ndjerë vlerësimin tuaj për këtë vepër të jashtëzakonshme (tunelin) që shndërroi shumë dimensione të jetës së përditshme të jetës së qytetarëve të Elbasanit dhe gjithë Shqipërisë. Kam ardhur të jap mesazhin sa e rëndësishme është fjala e mbajtur në politikë. Në 25 prill duke votuar PD-në dhe nr. 9 ju do të votoni për ndryshimin e kulturës politike në vend. Fjala e dhënë për tunelin e Elbasanit në vitin 2009 është fjalë e mbajtur”, tha Basha./Opinion.al
