Ka mbërritur në aeroportin e Rinasit avioni në të cilën ndodhen vaksinat kineze anti-COVID, i ardhur nga Turqia.
Kujtojmë se lajmi është bërë i ditur nga Kryeministri Edi Rama pak orë më parë nga Stambolli, ku shkoi për një vizitë 1 ditore. Ai tha konkretisht se do të sillte sot në Tiranë 192 mijë vaksina kineze të “Sinovac”.
Rama njoftoi gjithashtu se kishte siguruar 1 milionë vaksina kineze dhe se gjysëm milionë doza do të mbërrijnë brenda 60 ditësh.
“Kemi siguruar 1 milionë vaksina të tjera. Kontraktuam për momentin gjysëm milionë doza brenda 60 ditësh. Sjellim sot në Tiranë 192 mijë
*Për më shumë pas pak orësh në Rinas dhe kur ju them do t’ia dalim, mos e dyshoni kurrë që do t’ia dalim” thuhej një njoftimin e Ramës.
Ndërkohë kujtojmë se ditën e djeshme Ministrja e Shëndetësisë Ogerta Manastirliu sëbashku me Kryeministrin Edi Rama kanë njoftuar se javën tjetër don të nis vaksinimi masiv në vend./Opinion.al
