Një 60-vjeçar është arrestuar nga efektivët e Komisariatit Nr.3 të Policisë së Tiranës për ngacmim seksual.
Policia bën me dije se është vënë në pranga shtetasi me iniciale A.M., pasi ka ngacmuar seksualisht një vajzë të mitur.
“Nga specialistët për Hetimin e Krimit në Komisariatin e Policisë Nr.3 u bë arrestimi në flagrancë i shtetasit A. M., 60 vjeç, pasi ka ngacmuar seksualisht një shtetase të mitur”, njofton policia.
Ndërkohë, për një tjetër rast të ngacmimit seksual është shpallur në kërkim 42-vjeçari me iniciale A.M. Ndaj tij është bërë kallëzim që në rrugën “Pandi Dardha” në kryeqytet tentoi të ngacmonte seksualisht një vajzë të mitur.
“Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit A. M., 42 vjeç, sepse në rrugën “Pandi Dardha”, ka tentuar të ngacmojë seksualisht një shtetase të mitur”, njofton policia./Opinion.al
