Të paktën tetë persona janë vrarë pas një serie të shtënash të regjistruara në tre sallone masazhi në zonën e Atlantës.
Thë Guardian raporton se disa orë pas ngjarjes së rëndë një 21-vjeçar, i identifikuar si Robert Aaron Long, është marrë në paraburgim ndërsa policia u tha mediave lokale se ai ishte i dyshuari për tre të shtënat. Ndërkohë që ende nuk dihet motivi i ngjarjes.
Provat video gjithashtu “sugjerojnë se ka shumë të ngjarë që i njëjti person të jetë përgjegjës për tre sulmet vdekjeprurëse të martën në qendrat e masazhit në zonën e metrosë në Atlanta, në Xhorxha”, tha policia të martën.
Të shtënat ndodhën pak pas njëri-tjetrit të martën pasdite. Katër njerëz u vranë në Masazhin Aziatik të Young pranë Acëorth në qarkun Cherokee, Georgia, rreth 30 milje në veri-perëndim të Atlantës.
Pak më vonë, në orën 5.47 të pasdites, oficerët e policisë së Atlantës iu përgjigjën një grabitjeje të raportuar në Gold Spa në veri-lindje të qytetit, ku tre gra ishin vrarë. Policia më pas u njoftua për një tjetër rast të të shtënave me armë përtej rrugës në Aromatherapy Spa, ku u gjet trupi i një gruaje tjetër.
Shtatë nga viktimat ishin gra dhe gjashtë ishin aziatike, sipas policisë. Një burrë tjetër u plagos nga sulmet.
Megjithëse policia në Gjeorgji nuk e ka përshkruar një motiv për ngjarjet e rënda, byroja kundër terrorizmit njoftoi se kishte vendosur oficerë nga Komanda e tyre e Përgjigjes Kritike në komunitetet aziatike rreth qytetit të Nju Jorkut./Opinion.al
