“Listat janë bërë nga drejtuesit e qarqeve. 95% e tyre janë bërë nga drejtuesit e qarqeve”, kështu u shpreh kryetari i Partisë Socialiste Edi Rama në një dalje për mediat.
Rama shtoi se në telefonin e tij ka shumë mesazhe me emra të propozuar prej tij dhe të refuzuar nga drejtuesit politikë të qarqeve. Po këtë ai e konfirmoi edhe për listën e Tiranës, të cilën tha se e ka hartuar kryetari Veliaj.
“Listën e kësaj fushate e ka hartuar kryetari i Bashkisë, u shpreh Rama.
Gjithashtu, Rama tha se ai vetë është rekordmen i takimeve me qytetarët, që nga viti 1912, gjë që la të kuptohet se nuk e kanë bërë shumë nga stafi i tij.
“Që unë të jem rekordmen i takimeve nga viti 1912, edhe jashtë kamerave, por që një deputet të mos takojë njerëz 4 vjet apo që një ministër të jetë në funksion dhe të dalë në parlament duke hedhur vickla dhe të mos bëjë punën tjetër, kjo është jashtë mundësive të mia”, u shpreh Rama, ndërsa ishte duke folur në fakt për rastin e Ditmir Bushatit./Opinioin.al
