Ndërsa forcat politike janë zbritur tashmë në terren në takime me qyetarë, qeveria dhe opozita vijojnë të akuzojnë njëra-tjetrën për gjendjen e vendit.
Partia Demokratike, përmes një reagimi shprehet se Kryeministri po kopjon pjesë të programit të saj politik, ndërsa pohon se PS kërkon mandatin e tretë për të vazhduar të mos bëjë asgjë.
“Jemi të lumtur që shikojmë se Edi, më në fund, e kuptoi ashtu si gjithë shiptarët, se plani ynë do ta çojë Shqipërinë para, ndaj edhe ka filluar të kopjojë pjesë të tij.
Po të gjithë e dinë se pas zgjedhjeve, ai s’do të bëjë asgjë nga ato që thotë. Edi e do mandatin e tretë që të vazhdojë të mos bëjë asgjë. Nëse s’keni bërë asgjë në 8 vjet, s’do të bëni as në 4 të tjerët. Edi e ka lënë në vend numëro Shqipërinë, ne do ta çojmë përpara. Ne do të zbatojmë gjithë planin tonë kur të fitojmë dhe nëse nuk do ta bëjmë, nuk do të kërkojmë mandat të dytë. Këtë bëjnë kryeministrat e vërtetë. Kështu fiton Shqipëria”, thuhet në reagimin e PD./Opinion.al
