Zgjedhjet në Kosovë dhe rezultati i tyre janë diskutuar mbrëmjen e së hënës në emisionin “Opinion”. Ndërsa foli për arsyet që çuan në fitoren e Albin Kurtit dhe Vjosa Osmanit në zgjedhjet e 14 Shkurtit, Donika Emini e cilësoi këtë votim në një votë shprese.
Drejtoresha ekzekutive e Civikos, tha se Lëvizja Vetëvendosje dhe Albin Kurti nuk janë çmitizuar.
“Qëndrimi në opozitë për shumë kohë të gjatë dhe fakti që Albin Kurti dhe LVV nuk janë çmitizuar (ata kanë qenë në fuqi për 50 ditë) la indikacione që është një qeveri reformiste, që nuk u provua në kuadër të reformave të vendit, u la të kuptohet që misioni i Vetëvendosjes u la përgjys nga elita e vjetër.
Janë dy lementë, elementi i parë është ndëshkimi dhe elementi i dytë është shpresa, si shans që kosovari ja jep shtetit”, u shpreh Emini.
Ndër të tjera, sipas Eminit nuk ka luajtur rol në këtë votim raporti me Serbinë./Opinion.al
