Një 58-vjeçar, pronar i një firme është gjetur i pajetë mëngjesin e kësaj të diele në kryeqytet. Sipas policisë, 58-vjeçari me inicialet N.D u gjet i vdekur në ambientet e magazinës së firmës.
Nga këqyrja paraprake e trupit nuk janë konstatuar shenja dhune apo dëmtime të tjera. Prandaj paraprakisht dyshohet se ka humbur jetën për shkaqe natyrale.
“Më datë 31.01.2021, rreth orës 07:40, në autostradën Tiranë-Durrës, në magazinën e një firme është gjetur pa shenja jete pronari i firmës shtetasi N. D., 58 vjeç”, njofton policia.
Grupi hetimor dhe shërbimet e policisë ndodhen në vendngjarje dhe vijon puna për sqarimin e rrethanave të ngjarjes./Opinion.al
