Nivelet e ujit në Liqenin e Shkodrës dhe Lumin Buna do të vijojnë të jenë të larta por të qëndrueshme dhe sot e të dielën.
Sipas llogaritjeve nga IGJEUM, në lumenjtë në gjithë territorin pritet rritje e prurjeve, por nuk rrezikohet për përmbytje.
“Nga intensiteti i lartë i reshjeve, mund të vërehen vërshime të shkurtra lokale në zonat malore ose qendrat urbane në varësi të sistemit të kanalizimeve”.-thuhet në njoftimin e IGJEUM.
Ndërkaq temperaturat do të shkojnë nga minimumi 2°C deri në 14 °C.
RESHJET
Sot pasdite (e shtunë, dt. 30) dhe nesër (e diel, dt. 31) priten reshje intensive në qarkun e Shkodrës dhe mesatare në qarqet e tjera.
Në qarqet Kukës, Vlorë dhe Gjirokastër priten reshje lokalisht intensive.
Në verilindje dhe juglindje të vendit, reshjet mund të jenë në formë dëbore në lartësitë më të mëdha se 600m mbi nivelin e detit.
TEMPERATURAT
Nesër (e diel, dt. 31) temperaturat minimale dhe maksimale të ajrit pritet të arrijnë:
në bregdet: 10 / 14 °C
në vendet e ulëta: 8 / 12 °C
në vendet malore: 2 / 8 °C
ERA
Sot pasdite (e shtunë, dt. 30) dhe nesër (e diel, dt. 31) era pritet të fryjë e lehtë deri mesatare, për momente deri e fortë, kryesisht në bregdet dhe zonat malore./Opinion.al
