Sekretari i Përgjithshëm i PD-së Gazment Bardhi i është përgjigjur kryeministrit Rama pas deklaratës së këtij të fundit se programi i PD është si tramvaj i Tiranës në 2011.
Bardhi nëpërmjet një postimi në “Facebook” i sugjeron kryeministrit të qetësohet teksa shprehet se Rama nuk është mësuar të përballet me angazhime serioze që do të mbahen e nuk do të shkelen.
“Rama qetësohu. Ky është vetëm fillimi.
E dimë se ti nuk je mësuar të përballesh kurrë me angazhime serioze që do të mbahen e nuk do të shkelen. Pas 8 vitesh këtë e dinë shumë mirë të gjithë shqiptarët ndaj do të të largojnë më 25 prill”, shkruan Bardhi./Opinion.al
