Partitë politike janë në fazën e fundit të përgatitjeve për zgjedhjet e 25 prillit. Pasditen e sotme, kryetarja e LSI, Monika Kryemadhi është takuar me banorët në njësinë numër 5 në Tiranë.
Në fjalën e saj, Kryemadhi fajësoi qeverinë “Rama” se ka varfëruar qytetarët, ndërsa ka theksuar se paratë e shqiptarëve sot shkojnë në duart e pak njerëzve dhe tek mafia.
Kryetarja e LSI tha se më 25 prill qytetarët duhet të votojnë për të larguar qeverinë “Rama”.
Monika Kryemadhi: Paratë e shqiptarëve shkojnë tek duart e pak njerëzve dhe mafia. Rama ka thënë se do të hapen 300 mijë vende pune dhe nuk ka punë. Shëndetësia falas u bë shëndetësia më e shtrenjtë. Kur premtimet kthehen në mashtrime, qytetarët nuk durojnë më. Rama është arrogant edhe ndaj njerëzve. 92 ditë na ndajnë nga ndryshimi i madh. Duhet që të gjithë të votojmë që t’i japim mësim çdo politikani, që mashtron.
Petrit Vasili: Kemi nivelin më të lartë të taksave dhe pagat janë shumë të ulëta.
