Një punëtor ka rënë nga lartësia ditën e sotme teksa ishte duke punuar në një pallat në ndërtim tek kompleksi “Kodra e Diellit”.
Nga informacionet zyrtare, bëhet me dije se ngjarja ka ndodhur rreth orës 13:40 dhe punëtori me iniciale F. Ç. i moshës 59-vjeç, është dërguar me urgjencë në spital teksa është nën mbikëqyrje të mjekëve.
Grupi hetimor dhe policia ndodhen në vendngjarje dhe po hetojnë për rastin.
“Më datë 19.01.2021, rreth orës 13:40, tek kompleksi “Kodra e Diellit”, në një pallat në ndërtim, duke punuar ka rënë nga lartësia punëtori shtetasi F. Ç., 59 vjeç, i cili ndodhet në spital, nën kujdesin e mjekëve. Grupi hetimor vijon për sqarimin e rrethanave të ngjarjeve”, njofton policia./Opinion.al
