Instituti i Gjeoshkencave, Energjisë, Ujit dhe Mjedisit ka parashikuar ulje të ndjeshme të temperaturave, thuajse në të gjithë territorin.
IGJEUM nëpërmjet një njoftimi, bënë me dije se pasditen e sotme dhe gjatë ditës së nesërme pritet të ketë reshje lokale të dobëta në disa zona të lokalizuara. Ndërsa në zonat malore në juglindje të vendit, mbi 500 metra mbi nivelin e detit priten reshje në formë dëborë. Temperaturat minimale dhe maksimale të ajrit pritet që në bregdet të arrijnë -1 / 5 °C, në vendet e ulëta -4 / 2 °C dhe në vendet malore -15 / -3 °C.
Ndërkaq prej disa ditësh vendi është përfshirë nga mot i acartë me ngricë dhe reshje dëbore intesive./Opinion.al
