Kryeministri Edi Rama nuk i ka kursyer kritikat për Bashkimin Europian i cili nuk i siguroj Ballkanit Perëndimor vaksina dhe mbështetje për të përballuar pandeminë COVID-19.
Kujtojmë që Rama e ka cilësuar BE-në si egoiste më 1 janar, ditën kur edhe ka dhënë njoftimin se vendi jonë kishte arritur të siguronte vaksinën antiCOVID. Ndërkaq sipas kryeministrit shtetet pjestare të BE-së kishin vepruar me parimin “secili për vete, Zoti për të gjithë”.
Ndërsa sot në Republikën e Shqipërisë ka nisur vaksinimi, mediat ndëkombëtare i kanë bërë jehonë kritikave të kryeministrit Rama për BE-në.
Duke nisur nga media italiane “Ansa”, media franceze “France 24” por edhe media prestigjioze “The Washington Post” kanë pasur në fokur deklaratat e Ramës.
“Ansa”, duke iu referuar Kryeministrit, ka shkruar, se ky i fundit nuk ka zbuluar shtetin i cili është treguar bujar duke ndihmuar Shqipërinë në sigurimin e vaksinës, në një kohë që vendet e BE “u sollën në mënyrë të pakuptueshme praktikisht si edhe logjikisht me shtetet e Ballkanit Perëndimor”.
Ndërkaq “France24”, kanë mbajtur sërish në fokur kritikat e Ramës, duke theksuar se BE mund të kishte ndihmuar të paktën për të vaksinuar personat që janë në vijën e parë të frontit të luftës.
“Vendet e BE nisen shpërndarjen që më datë 27 dhjetor dhe mund t’i kishin dhënë disa doza shteteve të Ballkanit Perëndimor për të vaksinuar ata që përballen në vijën e parë të frontit me koronavirusin, por nuk e bënë”, i referohet France24 Ramës.
Ndërsa “The Washington Post”, duke iu referuar fjalëve të Ramës, ka shkruar se “nuk duhet menduar siç BE mendoi, sepse Kosova dhe Shqipëria janë bashkë si në të mirë si në të keqe”./Opinion.al
