Sekretari i Përgjithshëm i Partisë Demokratike Gazmend Bardhi ka akuzuar kryeministrin Edi Rama dhe qeverisjen e tij 8-vjeçare se ka shkatërruar ekonominë e vendit në çdo drejtim.
Bardhi ka shpërndarë një video me premtimet e kryeministrit për rritjen e mirëqenies dhe deklaratat e tregtarëve e qytetarëve për rënien e ekonomisë. Ai thekson se kostoja e jetesës po rritet ashtu sikurse dhe papunësia. Sipas tij Rama nuk mban premtimet që ka bërë.
“Për 8 vjet Rama dështoi në çdo drejtim dhe e shkatërroi ekonominë tonë. Kostoja e jetesës po rritet, ashtu si edhe papunësia. Vende pune nuk ka, ndaj të rinjtë tanë po e braktisin vendin. Rama kujdeset vetëm për veten e tij. Ai nuk mban as edhe një prej premtimeve që bën”, shkruan Bardhi.
