Ngjarja e rëndë e ndodhur në datën 31 dhjetor në kryeqytet, ku Përparim Ademi vrau motrat Zhaneta Metani dhe Kristina Bardhi vijon të mbetet në qendër të vëmendjes mediatike.
Ndërkohë kjo ngjarje ka bërë jehonë edhe në mediat greke, të cilat kanë shkruar lidhur me vrasjen e dyfishtë, marrëdhënien intime të Ademit me dy motrat si dhe dëshmitë për tregti fëmijësh.
Sipas ERT, Përparim Ademi, po përballet me një sërë krimesh të rënda në shtetin grek, pasi ai akuzohet për tregtinë e foshnjave në Selanik, që sipas dëshmive të familjarëve të motrave, Ademi i ka sjellë për disa kohë në Selanik për të punuar si prostituta dhe dyshohet se kanë shitur rreth 10 foshnje.
Motra e viktimave deklaroi për rastin se “Përparim Ademi e mori motrën time të vogël me avion dhe e çoi në Selanik . Atje, ai detyroi atë dhe motrën tjetër për të punuar si prostituta. Ndërkohë ai i la ato shtatzënë dhe i detyroi të shesin fëmijët e tyre”. Sipas saj, Ademi nuk ishte vetëm në Greqi, por ka qenë edhe me gruan e tij, e cila dyshohet se ka qenë në dijeni të shitjes së fëmijëve. E njëjta gjë u konfirmua dhe nga vëllai i viktimave, i cili tha se janë trafikuar të paktën 10 fëmijë.
Mediat greke shkruajnë se Ademi aktualisht është në gjyq në Shqipëri për vrasjen e dy motrave, teksa ka pranuar edhe krimin në sy të një prej fëmijëve që ai kishte bërë me një nga motrat.
Vetë autori i krimit, ka pranuar në dëshminë e tij pas arrestimit se me bashkëshorten dhe dy motrat udhëtonin drejt Greqisë, ndërsa familjarët pretendojnë se i shfrytëzonte si prostituta./Opinion.al
