Familjarët e Përparim Ademit, 59-vjeçari që vrau dy motrat në Astir, kanë deklaruar se janë kërcënuar nga familja e viktimave.
Vjollca Telo, gruaja e Ademit ka denoncuar në polici familjarët e Zhaneta Metanit dhe Kristina Bardhit, me pretendimin se janë kërcënuar me jetë.
Telo pretendon se tre persona kanë kërcënuar vajzën e Përparim Ademit. Për këtë arsye gruaja e 59-vjeçarit ka kërkuar urdhër mbrojtje.
Gruaja e Ademit ka mohuar akuzat e vëllait të dy motrave për trafikimim fëmijësh. Po ashtu, ajo ka thënë se e dinte për lidhjen që bashkëshorti kishte me dy motrat dhe e ka pranuar për të mos shkatërruar familjen.
“Kam kërkuar mbrojtje nga shteti. I kanë ardhur fëmijës që në 5 e gjysmë të mëngjesit. E kanë bërë copa nga këmbët, kam bërë kallëzim në polici. Kërkoj mbrojtje nga shteti. I kam thënë; dua mbrojtje që unë mos të rrijë më në Shqipëri. Se kam frikë. Nuk janë të vërteta akuzat për trafikim fëmijësh, janë të gjitha rrena. Nuk ka shitur asnjë fëmijë. Më vjen turp, por ata duan shtëpitë. Unë kam pasur hyrje-dalje familjare me to, e dinte gjithë lagja. E dija lidhjen, e kisha pranuar se s’doja të prishja familjen. Unë e di që burri bëri vrasjen, nuk e shtyva ta bënte atë gjë. Kam ngrënë, kam pirë, kam fjetur me të. Kemi shkuar në Pogradec, kemi hëngër, kemi pirë. Kemi shkuar në Greqi. I njoh vëllain, Bashkimin. Më solli një palë perde para një javësh dhe një palë atlete për çunin. Doni që t’i nxjerr ti shihni (I drejtohet gazetarëve). Ngjarjen e mora vesh nga telefoni. Më mori djali i Xhanit. Se di fare, njeri më i mirë s’kishte. S’kanë pasur kurrë sherre. Ai s’ka pasur asnjë lloj gjeje. Unë kam dy goca një çun. Burri im barrën ta mbaj vetë”,-tha gruaja e Përparim Ademit./ Opinion.al
