Vrasja e dy motrave në zonën e Astirit nga Përparim Ademi, vijonë të jetë në qendër të mediave.
Sipas dëshmisë të autorit, Përparim Ademi mësohet se njohja mes motrave dhe vrasësit ka ndodhur rreth 30 vite më parë.
Teksa vetë Ademi ka pohuar se ka fëmijë me të dyja viktimat dhe së bashku kanë punuar për disa vite në shtetin e Greqisë dhe Francës.
Në dosje hetimore bëhet me dije se Përparim Ademi ka patur marrëdhënie të mira me Zhanetën, ndërsa vetëm pak ditë më parë kanë nisur mospërputhjet mes tyre.
Ademi është bërë xheloz, për një person të quajtur Besmir, i cili punonte në të njëjtin fabrikë me Zhanetën.
“Shtetasi Përparim Ademi deklaron se me Zhanetën dhe Kristinën ka patur njohje që para 30 vjetësh me të cilat ka patur lidhje jashtëmartesore. Ai pretendon se ka dhe fëmijë me të dyja këto shtetase. Ndër të tjera ai pohon se me këto shtetase ka punuar në shtetin e Greqisë dhe Francës për disa vite. Rreth disa vite më parë Kristina është martuar në shtetin e Greqisë. Përparimi ka vazhduar akoma lidhjen intime me shtetasen Zhaneta Metani. Marrëdhënia mes Përparimit dhe Zhanetës ka qenë e mirë deri disa ditë më parë, kur ai ka dyshuar se Zhaneta kishte një lidhje me një shtetas tjetër të quajtur Besmir”, thuhet në dosje.
Ndërkaq mësohet se në datë 30.12.2020 Ademi e ka pritur Zhanetën, e cila ishte duke dalë për në punë, në mëngjes poshtë pallatit të saj.
“Më pas ai deklaron se e ka marr nën kërcënimin e një thike që kishte me vete dhe e ka future në një makinë tip Voklswagen Tiguan. Nga aty e ka çuar në Kërrabë nga rruga e vjetër e Elbasanit dhe atje kanë ndaluar në një vend pranë lapidarit, 500 metër më lart dhe kanë biseduar, duke dashur ta detyrojë të kthehet prapë me të dhe të shëkputej nga ai person. Përparimi deklaron se në një moment Zhaneta u duk se ka pranuar. Më pas ai i ka thënë të shkojnë në një hotel afër qendrës Glob, tek 21, pranë zjarfikëseve, të flisnin aty. Më pas kanë shkuar në hotel ku dhe kanë kryer marrëdhënie me dëshirën e saj, pa përdorur dhunë ndaj saj në asnjë moment. Pasi kanë dalë nga hoteli e ka lënë afër tek Globi, se donte të ecte në këmbë për në shtëpi dhe ai ka ikur në shtëpinë e tij”, thuhet në dosje.
Sipas dëshmisë së Ademit ka qenë motra e Zhanetës, Kristina, e cila e ka telefonuar në po të njëjtën datë se do e denonconin në polici për përdhunim dhe dhunë.
Duket se kjo telefonatë ka bërë që Ademi të ndërrmerte aktin e rëndë kundrejt motrave.
“Të nesërmen është zgjuar në mëngjes dhe ka shkuar tek puseta e shtëpisë ku mbante automatikun që nga 1997. Ka qëndrur duke menduar çfarë duhet të bënte. Dhe në një moment ka ndarë mendjen duke I thënës vetes se tradhtia ka vetëm një çmim, vdekjen. Dhe e ka bindur veten fort për këtë gje”, thuhet në dosje.
Me detaje tregohet se si vrasësi ka marrë armën, e ka pastruar dhe mbushur, teksa për të hyrë në banesën e motrave ka përdorur një fëmijë të mitur, pikërisht djalin e vajzës së tij.
Pasi ka hapur me forcë derën e banesës së Kristinës dhe Zhanetës ai i ka vrarë të dyja motrat në korridorin e shtëpisë duke zbrazur mbi to gjithë karikatorin e automatikut.
Në dëshmi thuhet se , Ademi pas vrasjes është ulur në divanin e sallonit dhe ka tentuar të vetëvritet por arma nuk kishte më plumba./Opinion.al
