Gazetari i njohur amerikan Larry King është shtruar në spital prej më shumë se një jave për shkak të koronavirusit. Kështu ka bërë të ditur një burim nga familja e tij sipas CNN. King, 87 vjeç, ndodhet në Qendrën Mjekësore “Cedars Sinai” në Los Angeles dhe tre fëmijët e tij, nuk kanë mundur ende ta vizitojnë për shkak të kufizimeve të rrepta të vendosura nga institucioni.
Gazetari, fytyra historike e CNN, vuan nga diabeti dhe në të kaluarën kishte patur probleme serioze në zemër. Në vitin 2017 u operua për kancer të mushkërive. Këtë vit ai humbi dy fëmijë, Andy dhe Chaia, në pak më shumë se tre javë: i pari vdiq nga një atak kardiak më 28 korrik, ndërsa i dyti vdiq në 20 gusht nga kanceri i mushkërive.
King mbajti shfaqjen biseduese të Larry King Live në CNN nga 1985 në 2010 dhe aktualisht drejton programin “Larry King Noë” në Hulu dhe RT America, si dhe programin politik të së dielës në të njëjtat kanale në internet./Opinion.al
