Sot kryeministri Edi Rama po zhvillon një bashkëbisedim me gazetarët. Në fjalën e tij, Rama u ndal tek procesi i reformës në drejtësi.
Kryeministri tha se reforma nuk është një proces i lehtë , ndërsa publikoi dhe shifrat e larguar nga sistemi i drejtësisë.
Ai shtoi se personat që janë larguar gjatë procesit të reformës do të përballen përsëri me drejtësinë.
“Dua të ndaj me të gjithë faktin se procesi i ndërtimit të një sistemi të ri drejtësie nuk është një proces që zhvillohet pa pengesat e veta. Nëse shohim bilancin e deritanishëm, ka arsye për të qenë optimist për të nesërmen. Ky proces ka nisur me pastrimin e të gjithë llumit të grumbulluar në dekada në sistemin e drejtësisë. Nëse shohim shifrat e këtij procesi, atëherë me siguri që ajo që thash, konfirmohet. Arsyeja për të qenë optimist për të nesërmen. Deri më sot, janë rivlerësuar 322 individë, nga të cilët më shumë janë shkarkuar sesa janë konfirmuar, plot 128 individë të shkarkuar drejtpërdrejt dhe 74 të tjerë të vetëlarguar nga ky proces. Vetëm 118 janë konfirmuar. Po me të larguarit çfarë ndodh? Ndërkohë, ka vijuar dhe po konsolidohet procesi i ngritjes së institucioneve të drejtësisë dhe ata që nuk kanë justifikuar pasurinë marramendëse, në shumë raste, do të përgjigjen përpara drejtësisë”, u shpreh Rama./ Opinion.al
