Italia ka shënuar ulje të numrit të rasteve të reja me COVID-19 në 24 orët e fundit. Autoritetet shëndetësore bëjnë me dije se janë regjistruar 8 585 raste të reja me COVID-19.
Po në 24 orët e fundit, kanë humbur jetën si pasojë e koronavirusit 445 pacientë. Me bilancin e sotëm, viktimat që nga fillimi i pandemisë llogariten 72 370.
Ndërkaq, deri më tani vijojnë të jenë të shtruar në spital 2,565 persona. Rajoni më i goditur mbetet Veneto me 2782 raste, i ndjekur nga larg nga Lacio me 966 dhe Emilia Romanja me 750.
Ndërkohë, një raport i fundit, lidhur me stafin mjekësor që ndodhet në vijën e parë të pandemisë tregon se pothuajse 90 mijë mjekë dhe infermierë janë infektuar me COVID-19, nga këta 273 prej tyre kanë ndërruar jetë. Siç është thënë edhe më herët nga kryeministri Conte, stafi mjekësor do të vaksinohet më herët kundër COVID-19./ Opinion.al
