Ambasadori i Bashkimit Europian, Luigi Soreca e konsideron arritje të madhe dekretimin e anëtarit të gjashtë të Gjykatës Kushtetuese.
Soreca nëpërmjet një postimi në Twitter shprehet ky është një hap i rëndësishëm lidhur me negociatatat me Bashkimin Europian, duke përgëzuar Presidentin, KED dhe Parlamentin e institucione të tjera që ishin pjesë e procesit.
“Sot Presidenti Ilir Meta ka dekretuar Përparim Kalo si Anëtari i 6-të i Gjykatës Kushtetuese. Z. Kalo do të betohet nesër nga Presidenti. Ky vendim shumë i rëndësishëm siguron tani funksionalitetin e plotë të Gjykatës.
Ne e përgëzojmë Presidentin, Parlamenti, KED dhe Institucionet e tjera për të dhënë një rezultat kaq të rëndësishëm, i cili është një arritje e konsiderueshme për Shqipërinë, qytetarët e saj dhe për reformën e drejtësisë. Ai gjithashtu përfaqëson një hap kryesor për të kompletuar listën e kushteve të nevojshme për të filluar së pari tryezën e parë ndërqeveritare për bisedimet e pranimit midis BE-së dhe Shqipërisë.”, tha Soreca.
Ndërsa, Komisioneri për Zgjerim i BE-së, Oliver Varhelyi, emërimin e antarit të 6-të të Gjykatës Kushtetuese e ka cilësuar arritje të rëndësishme për institucionet dhe njerëzit pjesë e reformës në drejtësi.
Lajm i shkëlqyer! Me emërimin e anëtarit të 6-të nga Presidenti Gjykata Kushtetuese bëhet funksionale. Arritje e rëndësishme për institucionet dhe njerëzit pjesë e reformës në drejtësi. Kjo plotëson listën e kushteve për mbajtjen e konfeences së parë ndërqeveritare” – shkruan Varhelyi./Opinion.al
