Zv. ministrja e Brendshme, Romina Kuko, gjatë konferencës së mbajtur ditën e sotme, ku u prezantua sondazhi i fundit i bërë nga një agjenci suedeze mbi perceptimin e publikut për Policinë e Shtetit tregoi edhe disa nga objektivat e këtij institucioni.
Sipas saj, synohet hapja e një zyre pranë njësive administrative të bashkive me qëllim që qytetarët të mos drejtohen menjëherë në Komisariat, krijimi i një tryezë të përbashkët me qëllim parandalimin e krimeve si dhe shtim i orëve të policisë në shkolla.
“Qytetarët do të kenë një zyrë pranë njësive administrative të Bashkive, duam që shërbimin policor mos ta kalojmë te Komisariati por te njësia administrative dhe mund të luaj rol sa i përket pjesës sociale të zgjidhjes së problemit. Bashkitë kanë shprehur vullnetin për të na vënë në dispozicion këto ambiente.
Një tryezë shumë e rëndësishme , Këshilli Vendor i sigurisë Publike, do bashkë drejtohet nga kryetari i Bashkisë dhe i Policisë së Qarku, do jenë drejtoritë arsimore, shërbimet sociale, Prokurorët, shoqërinë civile dhe pse jo të ftuar dhe prindër dhe në këto tryeza që do të jenë të përmuajshme do diskutohet klima e kriminalitetit me qëllim parandalimin e komunitetit, që ne ta zgjidhja e problemit para se të shkojnë në zyrat e Bashkisë.
Orët e policisë në shkolla. Adoleshentët janë thelbësor në punën e komunitetit. Kështu që do të shtojmë orët e trajnimit dhe të përfshirjes së policisë në shkolla. Çdo qark ka specifikën e vet të kriminalitet dhe ne nëpërmjet zonave policore do të arrijmë që të kemi një fotografi të pastër dhe të qartë të risqeve që i kanosen atij komuniteti. Këto janë komponentët kryesor të strategjisë, ku policia u shërben qytetarëve, por është në dijeni të problemeve që ka. Po ndërtojmë dhe sisteme që të ndihmojnë komunitetin që të kenë akses dhe pjesëmarrje të qytetarëve”, tha Kuko./ Opinion.al
