Hetimet për zbulimin e autorëve të vrasjes së çiftit Pasho vazhdojnë në Itali. Hetuesit po gjurmojnë djalin e viktimave, por dhe ish-të dashurën e tij, pasi dyshohet se ajo është një nga personat e fundit që mund të ketë parë Shpëtim dhe Teuta Pashon.
“Nuk jam unë pesoni i fundit që i kam parë, për çdo gjë tjetër flisni me avokatin tim” ka thënë në një prononcim për mediat italiane ish e dashura e Taulanit. Ndërsa avokati i ish-të dashurës së Taulant Pashos në një deklaratë të shkurtër për mediat ka thënë se klientja e tij është duke pritur një telefonatë nga hetuesit dhe gjithçka di do ua tregojë atyre në praninë e tij.
Sipas mediave Italiane, hetuesit e kanë të pamundur që të lënë jashtë hetimeve ish-të dashurën e Tualantit, pasi ajo në periudhën që çifti u zhduk jetonte me djalin e tyre. Po ashtu ajo kishte pasur takime të shpeshta me ta dhe vizita në banesën e tyre pasi prisnin lirimin e Tualantit nga burgu.
Një tjetër arsye që prokurorët po hetojnë ish-të dashurën e Tualantit është dëshmia e vajzave të çifit Pasho. Ato kanë treguar se vajza ka pasur disa probleme me vëllain e tyre dhe mund t’i ketë vrarë në shenjë hakmarrje.
Ndërkohë edhe vetë Taulant Pasho pasi kishte dalë nga burgu i kishte thënë avokatit të tij se kishte humbur kontaktet me prindërit e tij dhe kishte disa ditë që nuk i kishin hapur telefonin.
“Jam shumë i shqetësuar, prindërit e mi kanë humbur prej ditësh, askush nuk e di se ku janë. Ata nuk përgjigjen në telefon, është e çuditshme”,ka thënë Taulanti.
Më pas Taulanti ishte arratisur për në Zvicër, ku sërish ndodhet në burg për vjedhje.
Trupat çiftit Pasho u gjetën të masakruar dhe copëtuar në katër valixhe në kopshtet e Solliccianos. Mjekësia ligjore e Romës më vonë konfirmoi se mbetjet kockore i përkisnin Shpëtim Pashos. Ndërsa në lidhje me identitetin e gruas nuk ka ende prova shkencore që provojnë se është 55-vjeçarja Teuta Pasho./Opinion.al
