Presidentja në detyrë e Kosovës Vjosa Osmani gjatë vizitës së saj në Tiranë, ka dalë në një konferencë të përbashkët për shtyp me Presidentin e Shqipërisë Ilir Meta.
Gjatë fjalës së saj, Osmani adresoi disa çështje, për të cilat tha se ishin diskutuar me presidentin Meta dhe për të cilat kërkoi edhe mbështetjen e Shqipërisë.
Ajo përmendi ndër të tjera kërkesën për të miratuar në parlament vendimin që do të dënononte gjenocidin serb në Kosovë, ndërsa u ndal edhe një herë tek çështja e ndarjes së territoreve. Për Osmanin, kjo çështje e vdekur edhe mund të kthehet dhe do të ishte një destabilizim për rajonin.
“E para ka të bëjë me kërkesën që Kuvendi i Shqipërisë të miratojë vendimin që do të dënonte gjenocidin serb në Kosovë. Kuvendi ynë tashmë e ka miratuar këtë deklaratë dhe kërkohet që përgjegjësit të dalin para drejtësisë. Çcështja tjetër për të cilën e falenderova presidentin Meta ishte për qëndrimin e tij të prerë kundër idesë së rrezikshme për ndryshim kjufijsh. Sado që shumë mendojnë se është një ide e vdekur ajo mund të kthehet sërish në tavolinë. Këto ide, përveçse destabilizojnë rajonin janë një shpërblim për Serbinë”, tha Osmani ndërsa përmendi gjithashtu si problematikë ku kërkohet bashkëpunim edhe çështjen e adresave në Preshevë.
“Pasivizimi i adresave në Preshevë, është një spastrim dhe kërkon një bashkëpunim të institucioneve në Kosvë dhe Shqipëri, por dhe atyre të BE”, tha Vjosa Osmani.
“Biseduam mbi procesin integrues në BE. Kosova po punon drej këtij interesi strategjik. Ne po punojmë për integrimin në NATO dhe Kosova mund të mësojë shumë nga Shqipëria. Përsa i takon integrimit në BE ne mendojmë se shqiptarët e Shqipërisë duhet të ecin përpara. Ne kemi një shtet si Serbia që akoma destabilizon rajonin dhe ka hapur një sërë negociatash dhe procesesh integruese, ndërsa për Kosovën ka ngecur procesi për shkak të liberalizimit të vizave”, u shpreh Presidentja në detyrë e Kosovës./Opinion.al
