Komisioneri për zgjerim e BE-së, Oliver Varhelyi ka komentuar integrimin e Ballkanit Perëndimor.
Nëpërmjet një njoftimi në Twitter, Komisioneri për zgjerimin e BE-së është shprehur se integrimi i Ballkanit Perëndimor në BE është prioritet.
“ Për ne është një përparësi për të sjellë Ballkanin Perëndimor në BE.”-është shprehur Varhelyi ndër të tjera.
Kujtojmë që një deklaratë e tillë ka ardhur në 25-vjetorin e Marrveshjes së paqes Dejton-Paris.
Rreth 25 vite më parë në bazën ushtarake Wright-Patterson në qytezën Dejton, në shtetin federal amerikan Ohajo, u nënshkrua Marrëveshja Kornizë e Përgjithshme për Paqen në Bosnjë e Hercegovinë, e njohur si Marrëveshja e Paqes e Dejtonit.
Me këtë dokument zyrtarisht iu dha fund pothuajse luftës 4-vjeçare ndërsa Bosnjë e Hercegovina u definua si një shtet i tre popujve konstituiv dhe të tjerëve dhe dy entiteteve – Federata e BeH dhe Republika Sërpska.
Aktorët kryesorë në negociatat e paqes ishin nënshkruesit e Marrëveshjes së Dejtonit – presidenti i Republikës së BeH, Alija Izetbegoviç, presidenti i Kroacisë, Franjo Tuxhman dhe presidenti i Serbisë, Sllobodan Millosheviç, më 14 dhjetor 1995 në Pallatin Elysee në Paris. Të tre shtetet u krijuan nga shpërbërja e Republikës Socialiste Federale të Jugosllavisë.
Postim i plotë:
Për ne është një përparësi për të sjellë Ballkanin Perëndimor në BE. Për BosniaHerzegovina ka ardhur koha të rritet nga Dejtoni në Bruksel. #Dayton25 Trashëgimia e Paqes: 25 vjet të Marrëveshjes së Paqes Dejton-Paris./Opinion.al
For us it’s a priority to bring #WesternBalkans into #EU. For #BosniaHerzegovina the time has come to raise from Dayton to Brussels. #Dayton25 The Legacy of Peace: 25 years of the Dayton-Paris Peace Agreement @MVEP_hr pic.twitter.com/R2LCr62QFr
— Oliver Varhelyi (@OliverVarhelyi) December 15, 2020
