Ish-Kryeministri Sali Berisha në një intervistë të gjatë në emisionin “Opinion” ka rrëfyer momente të veçanta gjatë lëvizjes studentore të Dhjetorit. Në një pjesë të rrëfimit, Berisha ka shkëputur takimin me Ramiz Alinë dhe rolin e tij, në negociatat me studentët.
Berisha flet për një takim me Ramiz Alinë, ndërsa i kishte përcjellë atij kërkesat e studentëve për lirimin e shokëve të tyre të arrestuar gjatë lëvizjes.
Në këtë situatë Berisha veçon rolin e Azem Hajdarit me studentët, në një moment kur duhej shmangur tensioni. Pretimi i Hajdarit: “Unë edhe Kirit dhe Rudinës i fus thikën dhe juve s’ju tradhëtoj kurrë”, ishte fjalia që do të qetësonte studentët.
Berisha: Unë shkova tek Ramiz Alia me një ultimatum. Studentët më thanë që: nëse nuk i kanë liruar deri në orën 3:00, do të zbresim të shkatërrojmë gjithçka. “Shokët e tyre do lirohen të gjithë”- tha . “Ata kërkojnë që të shkojnë atje, por unë nuk shkoj atje. Jam i gatshëm t’i pres këtu”,- tha.
Fevziu: I hapur për të negociuar?
Berisha: I hapur plotësisht. Vetëm më kërkoi që kërkesat e tyre të meren seriozisht dhe të zgjidhen, se janë çështje kritike. Por shiko ç’kishte bërë! Kur dolëm, kishte vendos përsëri pëllëmbë me ushtarë. E kishte rrethuar shumë më tepër se ç’e kishim lënë. Ata ishin fytyra të egërsura. Studentët ishin sipër. Mua më kishte thënë Azemi: Po s’i liruat shokët ne do zbresim. Por çfarë ndodhi? Ata i liruan shokët.
Ndërkohë studentët po zbrisnin, Konfrontimi do të ishte disfatë pastaj. Më në fund Azemi u bind që këta të mos zbrisnin në qytet. Së fundi Azemi e merr fjalën dhe u thotë studentëve që shokët janë liruar dhe nuk do zbresim.
Ata thirrën Tradhtar, tradhtar.
Atëherë Azemi bëri diçka dhe tha: Unë edhe Kirit dhe Rudinës i fus thikën dhe juve s’ju tradhëtoj kurrë.
